هذا الليل معنا جـن بسـم الله الرحمـن === تعـوذ مـن الشيطـان والنيّـه النـيّـه
عن إذنك عن إذنك يا طويل العمر حمدان === ترى في الصدر كلمـه ولاهيـب مخفيّـه
ترى الرجل هذا اللي صبوا له ملوك الجان === ابـا امسّكـه ذا الليـل خـط النعيـريّـه
لو يجر صوته ناصـر بأعـذب الألحـان === ويغنـي معـه مليـون جنّـي وجنّـيـه
ابا أسفـره ومـن الامـارات بالمجّـان === علـى أول تريلـه رايحـه للسعـوديـه
أنا مهلهل المعنى وأنـا عنتـر القيفـان === وأنا الشاعر الفلته وأنـا الشاعرالصيّـه
وهو ساحر الأفكـار ومـروض الكهّـان === وعلاقتـه ويّـا الجـن ماهـي طبيعيّـه
احسب إن ناصر مات وإثره الـى هـالان === يلـوّي شدوقـه كنّـه الـداب والحـيّـه
لو إن ذبحته بتدخلني الجنّه مـن أزمـان === ذبحتـه لكـن ذبحتـه ماهيـب عـاديّـه
بكفه عصا موسى قبـل خاتـم سليمـان === وذبحه يبي يسبـب لنـا حـرب اهليّـه
ترى ماحن بصحبـان ولاحـن بعـدوان === لكنّا نشوف العلاقه بيـن هـذي وهذيّـه
لكنّ الوفـا والطيـب والعـز والإحسـان === يجيبه لك من هنـاك وانـا مـن هنيّـه
تحدي تحـدي والتحـدي يبـا فرسـان === ولا فيـه حـبـة خـشـم ولامحنـيّـه
هـل القوطـي المـزاز تلقـاه بالدكـان === وأهل السيف أبو حديـن تلقـاه بالهيّـه
ولا أحقر فاالمـره ولا أحقـر فالعجمـان === ولا كـل يامـي تفتخـر فيـه يامـيّـه
حلالاه لو إنـي سبيعـي مـن السبعـان === سبيعـي سبيعـي مرضعتنـي سبيعـيّـه
ترانا مثل الإخوان وأكثر مـن الإخـوان === وأهل المرجلـه والمقـدره نارهـا حيّـه
شربنا حليب البّل مـن عادنـا ورعـان === قبـل تشـرب العالـم حليـب السعوديـه
الأربعاء نوفمبر 03, 2010 7:50 pm
